വെണ്മണി
ഗ്രാമ പഞ്ചായത്ത്

ആലപ്പുഴ ജില്ലയിലെ ചെങ്ങന്നൂര്‍ ബ്ളോക്ക് പിരിധിയില്‍ വരുന്ന ഒരു പഞ്ചായത്താണ് വെണ്‍മണി ഗ്രാമപഞ്ചായത്ത്. ആലപ്പുഴ ജില്ലയുടെ തെക്കുകിഴക്കു ഭാഗത്ത് ചെങ്ങന്നൂര്‍, മാവേലിക്കര താലൂക്കുകളെ വേര്‍തിരിക്കുന്ന അച്ചന്‍കോവിലാറിന്റെ തീരത്ത് സ്ഥിതിചെയ്യുന്ന അഴകാര്‍ന്ന ഗ്രാമമാണ് വെണ്മണി. പ്രകൃതിഭംഗി കവിഞ്ഞൊഴുകുന്ന ഈ പ്രദേശം ഫലഭൂയിഷ്ഠമായ മണ്ണുകൊണ്ട് അനുഗ്രഹീതമാണ്. കേരളത്തിലെ ആദികാല ജനപഥങ്ങളില്‍ ഏറ്റവും പ്രാചീനമായ ജനവാസകേന്ദ്രങ്ങളില്‍ ഒന്നായിരുന്നു വെണ്മണി. 15 വാര്‍ഡുകള്‍ ഉള്ള പഞ്ചായത്തിന്റെ ആസ്ഥാനം കല്യാത്ര ജംഗ്ഷന്‍ആണ്. 8.01 ച.കി.മീ വിസ്തൃതിയുള്ള ഈ പഞ്ചായത്തിന്റെ കിഴക്ക്, പത്തനംതിട്ട ജില്ലയിലെ കോഴഞ്ചേരി താലൂക്കില്‍പെട്ട കുളനട പഞ്ചായത്തും വടക്ക് ആലപ്പുഴ ജില്ലയിലെ മുളക്കുഴ പഞ്ചായത്തും വടക്കു പടിഞ്ഞാറ് ആലാ പഞ്ചായത്തും നേരെ പടിഞ്ഞാറ് ചെറിയനാട് പഞ്ചായത്തും അതിര്‍ത്തി കുറിക്കുന്നു. കാര്‍ഷികവൃത്തിയിലൂടെ ഉപജീവനം നടത്തിയിരുന്ന ഈ...